De ultieme Sjömmertse dörpskwis veur jónk en oud
De ultieme Sjömmertse dörpskwis veur jónk en oud
Sjömmerts Boereversjtand is de ultieme Sjömmertse dörpskwis veur jónk en oud. Nao 3 succesvolle editites en ein Corona-editie zal de veerde editie gehoute waere op zaoterdig 20 september 2025 op ein locatie die geer zelf bepaalt. Dat kènt bieveurbeeld zeen: eur hoeskamer, de sjtamkroeg of ’t vereinigingslokaal. De bedoeling is, dat geer uch insjrief mèt minimaal 8 (en maximaal 12) persone en geer sjpeelt veur eur eige dörpsdoel. Geer kènt hiebie dinke aan ’t sjpekke van de vereinigingskas, nuuj panne veur de kèrk of of ’t plaatse van nog ein bank örges in ’t dörp.
’t Begint mèt ’t samesjtèlle van ein team van 8 tot maximaal 12 luuj. Sjpeelt geer mèt minder dan 8 man, dan besjteit de kans dat geer neet alles aafkriegt. Eder team wies ein opperhoofd aan dae namens ’t team kontak ónderhilt mèt de organisatie. Daobie bedink eder team eine naam dae zónger probleme nao boete gebrach kènt waere. Insjrieve en betale kènt sjtrak via de website.
Op 20 september 2025 waere alle opperhoofde op ein later te bepale tiedsjtip aan ’t begin van d’n aovend (zègk zeve oere) verwach in ’t gemeinsjapshoes óm ’t kwisbook op te haole. Diezelfde opperhoofde levere datzelfde kwisbook dan daezelfde aovend auch weer in op diezelfde lokatie op ein later te bepale tiedsjtip (zègk èllef oere). Klómmele womèt geer op internet kènt, zeen neet allein erg handig óm zake op te zeuke, mer zelfs aan te raoje. Geer mót namelijk auch hie en dao ein filmke of ein foto make en dees vervolgens doorsjture nao de jury of uploade nao de website. Daobie mót ’t ooperhoofd op eder moment te bereike zeen. Vraoge en opdrachte höbbe neet allein betrèkking op Sjömmert, mer kènne auch euver minder belangrieke zake oet de res van de waereld gaon. Auch zult geer ’t dörp in motte om bepaalde vraoge of opdrachte oet te kènne veure!
Op d’n aovend zelf probere veer, es dat meugelijk is, al eine tösjesjtand op de site te zètte, de definitieve oetsjlaag weurt bekènt gemaak op de fjèsaovend in ’t gemeinsjapshoes. Veer make d’r dan mèt alle teams same nog ‘s eine gezellige aovend van.
Eder team sjpeelt veur eur eige dörpsdoel. Dat mot ein sociaal maatsjappelijk doel zeen, mèt anger weurd ein doel dat betrèkking haet op de intermiensjelijke samelaeving en/of de aopenbare ruimte.
Dènk aan:
Es 't geit óm de dörpsdoele dan kènt geer zelf get verzinne, mer d'r zeen auch al instanties in 't dörp die aangegaeve höbbe get hölp te kènne gebroeke. Ze höbbe eine pitch gemaak óm te laote zeen wat ze gaer wille. Dees pitches kint geer hie onger vinge, mesjien hölp dat uch mèt het keze van ein good doel.
Dinkt geer dat geer auch ein good doel höbt, maak dan auch eine pitch zoëdat dao dan auch veur gesjpeeld kènt waere.
Om alles ein bietje in gooi bane te leije höb veer ein aantal sjpelreigels opgesjtèld.
Laes hie wat waal en wat neet maog.
Bèste Sjömmertenaere, de winnende teams van Sjömmerts Boereversjtand (dé ultieme dörpskwis) 2023 zint bekint!!!
Oppe 3e plaats is geëindig team SJÖTTERIE 2.0! Zie höbbe hie ein sjoan bedraag van € 300,-- mèt verdeend dat ze gaon besjteije aan de aankleding van de Sjöttewei en nuuj uniformen veur de jeugd van de Sjötterie.
De 2e plaats is veur Taorebeer en WTTK. Hie heurt eine pries van € 450,-- bie dae besjtump is veur Jong Nederland.
En de winnaar van Sjömmerts Boereversjtand 2023 is gewaore team Van Hazel tot de Bies!!! De hoofpries van € 750,-- zal (net wie de 3e pries) gebroek waere veur nuuj uniforme veur de jeugdleden van de Sjötterie, en veur ein verdere aankleiing van de vernuujde sjuttewei!
't Waor eine gezèllige aovend bie Brasserie Bie Ein. Binnekort volg ein aankondiging euver de volgende editie van Sjömmerts Boereversjtand dus hauwt de socials in de gate!
Bèste Sjömmertenaere, de winnende teams van Sjömmerts Boereversjtand (dé ultieme dörpskwis) 2021 zint bekint!!!
Oppe 3e plaats is geëindig team Boereversjtand???????! Zie höbbe hie ein sjoan bedraag van € 250,-- mèt verdeend dat ze gaon besjteije aan gèt leuks veur pesjtoar van Oss.
De 2e plaats is veur Keuketoafel + financiële ondersteuners (de winnaersj van 2019). Hie heurt eine pries van € 400,-- bie dae besjteijd zal waere aan vogelhuuskes en vlinderhuuskes veur in 't dörp.
En de winnaar van Sjömmerts Boereversjtand 2021 is gewaore team KVW!!! De hoofpries van € 750,-- zal gebroek waere om auch dit jaor weer eine onvergaetelijke Kindervakantiewaek veur de jeug te organisere.
't Waor eine gezèllige aovend bie Brasserie Bie Ein en veer höbbe al van ein aantal teams vernomme dat ze volgend jaor weer gaer met wille doon. Veer hope natuurlijk dat gans Sjömmert dan weer oetlöp om aan de kwis mèt de doon.
Boereversjtand 2020 waor get angersj dan de gesjlaagde kwis van 2019, dit uiteraard es gevolg van Covid-19. Veer höbbe ós hiedoor neet oet ’t veld laote meppe en höbbe get hiël sjieks bedach en ineingesjteeld: ’t Watertaore Mystérie. Op 1 januari höbbe veer de balans opgemaak. Dat beteikent dat veer uch kènne vertèlle wie veur alle 72 (!!!) teams die vaerdig zeen de vaan d’rbie hink. De rangsjikking zuut d’r dan zoë oet:
Veer höbbe gemeind neet allein de top drie te belone, mer auch ein paar anger markante prestaties, neet persé zeende ein prestatie óm greutsj op te zeen….
Bedank veur alle belangsjtèlling en houpelijk zeen veer ós bie de volgende Boereversjtandkwis.
De winnende teams van de aller jerste Sjömmerts Boereversjtand (dé ultieme dörpskwis) 2019 zint bekint!!!
Oppe 3e plaats is geëindig team KVW Olé Olé! Zie höbbe hie ein sjoan bedraag van € 150,-- mèt verdeend veur 't dörpsdoel Kindervakantieweek Sjömmert.
De 2e plaats is veur Taorebeer en WTTK. Hie heurt eine pries van € 250,-- bie dae besteijd zal waere aan nuuj muzieksjtukke veur de jeugfanfaar en jeugdrumband van fanfaar St. Caecilia.
En de 1ste winnaar van Sjömmerts Boereversjtand is gewaore team Keuketoafel + financiële ondersteuners!!! 't Versjil mèt de nummersj 2 en 3 waor klein mèr zie höbbe 't nét get baeter gedaon dan de res. De hoofpries van € 750,-- zal gebroek waere veur borde/ kunswerk bie ein of mjièdere ingange van oos dörp. Moderne, duurzame borde mit de teks: "Welkom in Sjömmert".
't Waor eine gezèllige aovend gister en veer höbbe al van de meiste teams vernomme dat ze volgend jaor weer gaer met wille doon. Veer hope natuurlijk dat gans Sjömmert dan weer oetlöp om aan de kwis mèt de doon.
Sjömmerts Boereversjtand weurd georganiseerd door Stichting Boereversjtand.
Deze organisatie besjteit oet de volgende enthousiaste Sjömmertenaere:
| Teamnummer | Teamnaam | Dörpsdoel |
|---|
Of volg ôs op sociale media
© 2021 Sjtichting Boereversjtand
